٢٠٠٨-١١-١٢

مطلوب مواطن مصري


تقابله تلقي الثورة من أول جمله ... والردود سريعة واضحة بلا لف ولا دوران
أتعلم حاجه بيحبها .. وبيشتغل في حاجه بيحبها
وبعد شويه تستغرب ده عنده كام سنه ... ابتسامة الأطفال الفظيعة
لسه بيعرف يضحك .. من غير ما يقول نكت .... مجرد ما يعلق علي مواقف في منتهي الجدية يضحكك علي سفه الأخرين الواضح وبنتعامي عنه
عنده طول اللسان جاهز لحل المواقف في وقت اللزوم .. ولا يخنع في حق ليه
وقت الحياة يقعد علي القهاوى يفهم حال الناس ... يأكل مع الفلاحين علي الارض ويسمع كلامهم
اشتراكي بعنف .. يساعد الغلابه ويموت ناقص عمر من حمل المسئولية وشيل هم الناس والجري ورا مصالحهم
لكن ولا تؤاخذه مش هيتنازل عن حاجه يملكها لأي حد ... لأنه مش ده الحل .. الموضوع مش حسنه هنوزعها
يعرف يقول يا ناس أشتغلوا علي نفسكم... ماحدش هيأكلكوا .. ولو حصل مش هيكون لفترة طويلة
ارستقراطي كمان وحاجات على بعض غير مفهومة ... لسه بيسمع مزيكا
العمل عنده للانتاج مش سبوبة علي ما تفرج ... لأنه أخلص العمل واتتحرر من ذل الحاجة
ليبرالي ... يطالب بالحرية الحقيقية وليست حرية الشعارات
الضعيف يقول أنه مش شبهنا !!!
يقدر يسمينا شيزوفرنيا ... ويقول علينا عندنا هوس جنسي ... وهو صريح مع نفسه ومع الناس
فاهم الدنيا جوه وبره ... مغرور مافيش مانع ...
يقولك كلام كبير يلحم الاقتصاد فى الاجتماع فى البنى الفوقية
وبعدين يكمل ويقول ... الكلام ده مايعرفش يعمله غير حد بيحب بلده .. زيي كده
..
مغرور بأنه مصري
...

هناك ٣ تعليقات:

سابرينا يقول...

مطلووووووووووب!
سيبقي دائما مطلوووووووووب
.........حلم يصعب تواجدة.....مجرد فكرة في القلب فقط!

speaking يقول...

سابرينا
لما يظهر واحد كده ... هتلاقي أمه شجاعه قلبها جامد مش ضعيفه ومرعوبه عليه
وأخته قويه وبتقلده
والبنت اللي بتحبه تعرف تستحمل الدنيا
وولاده من نفس الجينات

كله علي الله

غير معرف يقول...

طلبك مش موجود يا مدام
هههههههه
اللى موجود دلوقتى مسخ دميم
مجموعه من المرضى الجنسين
اه والله
رجالة مصر يعانون من حالة نوم فى العسل
وهيا دى اللى عامله المرض